Herold: Welschend ass e klengt Duerf. Awer haut si vill Leit ënnerwee. Mir begéinen der e puer dervun op der Stross.

 

 

Zeen 6

3 Klaatschen

 

(Klaatsch 1 a Klaatsch 2 begéinen der Klaatsch 3 op der Strooss.)

Klaatsch 3: A wou gitt dir zwee da schonn esou fréi?

Klaatsch 2: Mir ginn an dFeld e puer Rommele siche fir dKanéngercher.

Klaatsch 1: Wat gët et dann neits am Duerf?

Klaatsch 3: Ma gëscht ass mir eppes geschitt, dat kënnt dir iech net virstellen.

Klaatsch 2: Maach et net esou spannend! Erziel!

Klaatsch 3: Ech wollt op dFeld an ënnerwee begéinen ech dem Trein. Ech war grad a Gedanken a vergiessen him moien ze soen. Dat huet mech awer beglotzt! Wéi e gestachene Bock! An owes krut ech décke Kappwéi. Deen hat hatt mir bestëmmt ugehext.

Klaatsch 1: Da lauschter emol, wat mir passéiert ass! Ech sinn him dëslescht begéint, wéi ech eis Kou op dWeed gedriwwen hunn. Ech trauen him net, dofir war ech ganz frëndlech mat him. Dat war och net gebroden. Ob ech de Geck géif mat him maachen, huet hatt mech ugegranzt. Meng Kou huet de ganzen Dag näischt gefriess, an owes huet soch keng Mëllech ginn. Dat war dem Trein seng Schold.

Klaatsch 2: Dat ass jo onerhéiert! Esou eppes daarf et einfach net ginn.

Klaatsch 1: An dat ass nach net alles. Den aneren Dag hun ech et zu Rieds gestalt. Du hätt dir mol sollen e rosend Framënsch gesinn! Wat huet dat mir Frechheete gemaach! A wéi ech bei eist Feld koum, war en Trapp Kéi derduerch gelaf. Dir kënnt iech jo virstellen, wat déi fir Schued gemaach hun! Déi Kéi hat dTrein verhext.

Klaatsch 2: Dir kënnt iech jo nach un dat déckt Wieder vun der leschter Woch erënneren.

Klaatsch 3: O jo! Wat hat dat Schued gemaach!

Klaatsch 2: Eng Stonn virdrun hat ech dTrein gesinn an de Bësch goen. Do huet hatt sech bestëmmt mam Däiwel getraff. An déi zwee hunn dDonnerwieder erbäigehext.

Klaatsch 3: Dat kann net esou weidergoen. DTrein ass eng Hex. Hatt ass nëmmen drop aus fir den Duerfleit Schued ze maachen. Deem darfe mir net nokucken.

Klaatsch 2: Du hues recht. Mar schécken ech mäi Mann bei de Meier. Dee muss eppes ënnerhuelen.