Zeen 4

Trein (mat engem Kuerf), Gréit, Jemp

 

(De Jemp an dTrein kommen eran.)

Trein (rosen): Wat eng Frechheet! Wéinst dengem Gréit kann ech meng Geess net fäerdeg sträichen!

Jemp:- Hal lo op ze meckeren! Kuck no menger kranker Fra!

Gréit:-Aua.... Aahh...

Trein (geet bei dGréit): Da looss mech emol frieden.

(DGréit jäizt vu Péng. DTrein hëlt e puer Blieder aus sengem Kuerf)

Trein (zum Jemp): Eng Zalättche brauch ech, an e bëssen dalli!

(Hatt grommelt fir sech) E puer... Blieder... Wuerzelen..... Kären

(Haart zum Jemp) An elo nach e Schlupp Waasser!

(De Jemp reecht him e Krou mat Waasser. DTrein schëtt e Schlupp an Zalättchen a grommelt eppes, wat kee versteet.) - Ahhh...... ass... brrrrrrr... h...an lo, ...

(DGréit an de Jemp bekucke sech ganz erféiert)

Jemp:- Gët meng Fra erëm gesond?

Trein (zum Gréit): Drénk dat. Mar bass du erëm op de Been!

(DGréit drénkt)

Trein: An elo hätt ech gär mäi Loun!

Jemp: M... ma jo... wat dann?

Trein: Wat da wuel? Hä? Eppes zwëschen dZänn! Een Hung hätt ech gär!

Gréit, Jemp: Een Hung?

Jemp: Hunn ech richteg héieren? Fir wéi räich häls du eis? (Geet e Krou Mëllech sichen.) Vläicht e bësse Mëllech oder e puer Eeër...?

Trein: Ah nee! Wat näischt kascht, dat ass näischt!

Jemp: Neen Trein, mir sin aarm.

Trein: Der Däiwel soll Iech huelen, knéckege Pak! (Hatt mécht eng Fauscht a geet rosen aus dem Haus.)

Jemp: Oh mei, huet hatt dat do eescht gemengt?

Gréit: Aah... mäi Bauch!