Herold: Mir sinn beim Jemp a beim Gréit doheem. Si sinn dem Trein seng Noperen.

 

 

Zeen 3

Gréit, Jemp (Nopere vum Trein)

 

(DGréit sëtzt mat Bauchwéi beim Dësch.)

Gréit: Aua! Aua! Jemp,...komm mol heihin!

Jemp (kënnt eran): Majo,... si jo schon do!

Gréit: Mäi Bauch deet mir sou wéi. Wat hun ech eng Péng. Ahhh, hëllef mir dach!

Jemp: Jo, mee wéi? ...... Ass et dann sou schlëmm?

Gréit: Jo, ..... aua... et ass net méi auszehalen.

Jemp: Wat soll ech da maachen? Hei bleiwen?

Gréit: D Trein... Hatt kennt sech dach mat Kreider aus. Géi hatt sichen

Jemp: D Trein? Awer dach net dTrein! Dat ass jo eng Hex. Hues du nach net héieren, wat dLeit sech erzielen? Hatt gët dir e Gëft, oder hatt verzaubert dech! Da gëss du guer net méi gesond!

Gréit: Dat ass mir lo egal. Mäi Bauch deet mir ze wéi. Méi schlëmm kann et net ginn! Géi hatt ruffen.

Jemp (geet eraus): Gutt, ech hun dech awer gewarnt! Ech ginn dann.